Bandera jaisteko ekitaldia
Bandera jaisteko ekitaldia San Sebastian Egunerako programatutako azkeneko ekitaldia da, eta festari ematen dio amaiera.
Urtarrilaren 20ko 24:00etan, Konstituzio plazan, Donostiako alkateak jaitsi egiten du hiriko bandera San Sebastian Martxaren doinuari jarraituz. Martxa, Unión Artesana elkarteak jotzen du bakarka 1957az geroztik, eta 2018tik aurrera ekitaldian izena emandako danborradetako bakoitzeko ordezkari bat gonbidatzen du gure festa nagusiaren momentu hunkigarri hori partekatzera.
Aurten 108 lagun (58 gizon eta 50 emakume) izango dira 23:30ean ekitaldi sinboliko horretan elkartuko diren pertsonak. Unión Artesanako Danbor Nagusiak gonbidatu egiten ditu danbor, barril eta ferreta guztiak parte hartzera, eta azkeneko ibiltartea, Sarriegi plazatik Konstituzio plazako agertokira hurbiltzeko egiten dena, elkarrekin egiten dute danborradek.
