Englishtarrak danborrada misto bat da, 70 partaide inguru ditu eta The English School ikastetxeko bazkide diren emakume-talde batek sortua da. Bertako Haur Danborradaren 30. urteurrenarekin bat etorriz, aurreneko aldiz desfilatuko du 2019an Intxaurrondo auzotik 17:00etatik 21:00etara.
Jantziak ikastetxearen kolore korporatiboak ditu ‒gorria, zuria eta urdina‒ eta bere homologo haur danborradakoaren oso antzekoa da.
Soldadua: 1810eko Dragoi Ingelesen Erregimentuaren Uniformea. Galtza zuriak, kasaka urdina, gorri eta urre koloreko sorbaldakoekin eta eskumuturrekin. Azpantar eta kartutxera beltzak. Txano beltza, urre koloreko zerrendarekin eta luma zuri-gorriarekin. Urketaria: Urdin koloreko marradun gona, tonu gorrikoak diren loredun behealdearekin eta dandarrarekin. Jaka Donostia urdin kolorekoa. Buruan loredun zapia, gonaren apaingarria bezala. Mantala. Sukaldaria: Jakatxo zuria. Urdin koloreko marradun galtzak (urketarien gonak bezala). Txanoa eta mantala zuriak. Zapi zuria Elkartearen logoa brodatuta duela.
