Itzuli kategoriara

Irauli

Noiztik 2014 / Amara-Morlans-Loiolako Erriberak
Irteera
ordua
12:15
Bukaera
ordua
15:15
Sare sozialetan partekatu Danborrada gogokoena
111
Parte-hartzaileak
59 Emakumeak 52 Gizonak

Irauli

IRAULI danborrada 2014an sortu zen IRAULI-BOSTEKO kirol elkartearen barruan, Amara-Osinaga auzoan. Elkarteko bazkideek eta jarraitzaileek osatua da, baina irekita dago festaz gozatu nahi duten guztientzat. Kide gehienak gazteak dira, elkarteko kirol jarduerekin lotura dutenak, eta jarrera ludikoa da haiena, seriotasuna eta ordena ahaztu gabe ordea, ezaugarri horiek baitira nagusi Amarako kale nagusietatik egiten duten ibilbidean: Eibar plazan hasi eta amaitzen dute, Anoeta Tabernaren aurrean ‒Danborradaren egoitza ia ofiziala‒. Danborradak eguerdian desfilatzen du eta bere ibilbide osoan auzotar ugarik jarraitzen diote hiriko zaindariaren eguna ospatzearren, eta Amarako kaleak alaitasunez betetzen.

Uniformea

Uniformearen botoiak brontzezkoak ziren, 1803aren ondorengo erregulazioen arabera. Kanpainan, artilleroek galtza zuriak edo grisak erabiltzen zituzten. Jatorriz galtzamotzen eta polainen gainetik eramaten ziren. Geroago, berez galtza gisa erabili ziren eta baztertu egin ziren alboko botoiak. Uniformearen jaka urdin kolorekoa zen, botoiak bularraldean zituen bakarrik eta gerriraino iristen zen. Gazte ofizialordeek eta sarjentuek harizko galoiak eramaten zituzten, hori kolorekoak, haien maila nabarmentzearren. Lepoa gorri kolorekoa zen, hiru hazbeteko zabalera zuen (8 cm inguru) eta zerrenda lau batek mugatzen zuen, hori koloreko parpailez eginak. Sorbaldetako txarratelak gorri kolorekoak ziren, zerrenda hori batekin, eta sorbaldara josita zeuden besotik gertuen dagoen aldean, eta botoi bati eutsita lepotik gertuen dagoen aldean. Eskumuturrak, 1812az geroztik, gorri kolorekoak ziren, zerrendekin, hori koloreko bularraldea bezala, nahiz eta jatorriz urdina erabili gorriaren ordez. Ofizialaren gerrikoa zetazkoa zen, karmin kolorekoa, eta gerriaren inguruan erabiltzen zen, ezpataren gerrikoaren gainetik. Ofizialek txarratelak erabiltzen zituzten, zilarrezko intsigniekin. Uniformearen historiari dagokionez, oinezko Artilleriako Errege Erregimentua (RFA) 1700. urtearen inguruan eratu zen artilleroen indar erregular bat prest egon zedin gerra garaian. Barrilek, bai gizonek bai emakumeek, sukaldari jantzia eramaten dute, jakatxo eta txano zuriekin eta koadrodun galtza zuri-urdinekin. Urketariek konbinatu egiten dituzte kolore desberdinetako gonak eta txalekoak, eta ferreta eramaten dute barrilaren ordez.

Uniformearen ikonoa
Danborrada gogokoena
Babeslea
Sabadell Guipuzcoano
X