Erriberatarrak danborrada 2009an sortu zen Loiolako Erriberak auzo berriko bizilagunen ekimenez. Auzo Elkarteak kudeatzen du danborrada eta kide gehienak bertako bizilagunak dira, sortu zenetik izan baita helburu nagusia auzoa dinamizatzea eta auzotarrei sozializatzen eta elkar ezagutzen laguntzea. 2010eko urtarrilaren 20an desfilatu zuen lehenbiziko aldiz eta 00:00etan igo zuten bandera aurreneko aldiz Donostiako auzo horretan. Urtetik urtera aldatzen joan dira ibilbidea, hazkunde nabarmena izaten ari den auzora egokitzearren.
Erriberatarrak
Noiztik 2009 / Amara-Morlans-Loiolako Erriberak
Irteera
ordua
ordua
17:00
Bukaera
ordua
ordua
20:30
110
Parte-hartzaileak
58 Emakumeak
52 Gizonak
Erriberatarrak
Uniformea
Bai danborrek bai barrilek sukaldari jantzia eramaten dute. Urketariek jantzi urdinak eramaten dituzte: jantzi klasikoa, marradun gona urdinarekin, parpailadun alkandorarekin eta beso luzeko jakatxo urdin ilunarekin. Bizkarrean eramaten duten zapia urdin argia da, logoa brodatuta duena, eta buruan daramaten zapia zuria.
Bestelako aipamenak
- 2017an Richard Oribe izendatu zuten ohorezko danborrari, eta diploma bat eta ohorezko aginte-makila eman zitzaizkion.
