Txomin-Enea auzoan sortutako lehen danborrada da Lanberri Danborrada. Urte askoan auzoko jai handia ospatu nahi izan dute, beraz, Txomin-Eneako Lanberri - Auzo Elkarteari esker eta batzordekideen eta partaideen lanari eta ilusioari esker, 2023ko urtarrilean gauzatu ahal izan zen.
Konpainia hau belaunaldi artekoa da, eta heldu zein gazteek har dezakete parte, 13 urte beteta dituztenetik edo urte horretan bete behar dituztenetik. San Sebastian eguna ospatzeko auzoko eta inguruko jendea biltzea da danborrada honen eta sortzaileen helburua.
Urte hauetan Txomin-Eneak izan duen hedapen handiaren ondorioz, jai honek, gainera, helburu bereziago bat du, bizilagun zahar eta berrien topagune izatea elkarrekin “auzoa egiteko”.
Danborradak lau orduz zeharkatzen ditu auzoko kaleak, ibilbidea plaza berrietara edota eraikitako kaleetara egokituz. Gainera, konpainia Loiolara hurbilduko da, beti lotura handia izan baitu auzo horrekin.
