Kluba 1951. urtean sortu zen, eta Gros auzoko Karkizano kaleko 3. zenbakian du egoitza. Danborrada, berriz, 2000. urtean sortu zen, eta mistoa da hasiera-hasieratik. Urte horretan, 36 danborrek eta 79 barrilek osatzen zuten, eta gaur egun, berriz, 40 danborrek eta 99 barrilek. Nafarroa Beherea plazan geldialdi bat egiten dute, eta martxen errepertorio osoa jotzen dute. 2018. urteaz geroztik, klubak bere himno propioa dauka, José Ramón Berrondo Aiertzak (letra) eta Joxemari Oiartzabal Belokik (musika) sortua.
Zuzendariak: danbor nagusia: Paco Herrero; barrilen kaboa: Alfredo Martin
