SUMMA Aldapeta ikastetxeak, 1992. urteaz geroztik, Gazteen Danborrada bat dauka. Bertan, ikastetxeko azken mailako ikasleek parte hartzen dute. Sortu zenean UBIko ikasleak ziren eta, gaur egun, 2. Batxilergokoak. Ikastetxeko Haur Danborradak duen uniforme bera erabiltzen du.
Gazteen Danborradak urtarrilaren 20an, arratsaldez, desfilatzen du. Ikastetxetik irteten da eta bertan amaitzen da, hiriko erdialdeko kaleetan barrena ibili ondoren.
Urtero goitik behera aldatzen ditu parte-hartzaileak baita bere figura nagusiak ere, barrilen eta danborren Zuzendariak.
