Scout-ez eta gidariz osatutako danborrada bat gara. Pertsona batzuk jada erretiratuak eta beste batzuk aktiboan, Aratz eta Iruzun taldeetan lanean ari direnak. Denboran zehar mugimenduarekin loturarik ez duten pertsonak ere hasi dira danborradan parte hartzen. Ez gaude elkarte bati lotuak eta ez gara auzo jakin batekoak.
Lehen aldiz 1982an irten ziren, nahiko modu inprobisatuan danborrada hau martxan jarri zen urtean. Ikastola batek utzitako materialarekin irten ginen, atzera-martxarik ez zuen auto baten gainean jarrita genuen musikarekin besterik ez, eta kaleko arropa izan zitekeen uniforme batekin: jertse urdina, galtza zuriak eta txapela.
Gaur egun jantzia bestelakoa da eta Murchanteko Las Peñas Txaranga gurekin doa giroa animatzen.
Gurea sortzez mistoa den lehen danborrada da, baita Danbor Nagusia emakumea duen lehena ere. Beti danborrada inklusiboa izan gara, desgaitasun fisikoak edo psikikoak dituztenak baztertu gabe. Mundu guztiarentzako zabalik dago.
Eskaut Gia da, alde handiarekin, ibilbide luzeena egiten duen danborrada. Egian hasi eta bertan amaitzen da, Grosetik, Alde Zaharretik eta Erdialdetik igaro ondoren.
