Tamborrada Club Cantábrico

1999an Klubeko bazkide batzuek San Sebastian bezpera ospatzeko afaria antolatu zuten eta bertan hasi zen guztia, beti Klubaren babesarekin eta Josean Ibirikuren laguntza ordainezinarekin. Lehen urtean Los Corcones taldeak lagundu zigun. Orduz geroztik elkarrekin jotzen dugu. Urteetan zehar danborradaren ibilbidean aldaketak egin ditugu. Hasieran Erlojuetan, Holywood-en, Errege Katolikoetan eta Artzain Onaren inguruan jotzen hasi ginen, baina Maria Cristina Hotelak gonbidatu gintuenetik ibilbidea laburtu egin zen. Udalak antolatutako ekitaldi guztietan hartu dugu parte: Aste Nagusiko kanoikada, 2016ko Kultur Hiriburutza, etab. Ingalaterratik, Argentinatik eta Txinatik datozen pertsonek jotzen dute, baita Donostiatik kanpo bizi diren donostiarrek ere.