Madrilgo Euskal Etxeko lehenengo Danborrada 1974an ospatu zen eta harrezkero ospatu izan da etengabe hiriburuko leku desberdinetan (orain Zerain sagardotegian). 1982an gure Danborradaren aitzindari Pello Arambururi eman zitzaion Urrezko Danborra.
1995az geroztik, urtarrilaren 20aren ondorengo igandean, Haur Danborrada bat irteten da Euskal Etxeak Jovellanos kaleko 3 zenbakian duen egoitzatik, eta Zarzuela Antzokiaren aurrealdeko plaza txikira iristen da. 2015etik aurrera eta egun horretan bertan helduen Danborradak Euskal Etxeko Orfeoiak lagunduta jotzen du San Ignacio elizaren barrualdean (Príncipe, 31) Meza amaitzean. Jovellanos kalearen eta Príncipe kaleko elizaren arteko tarte horretan zehar jotzen du Danborradak.
