1959an sortu zen ikastetxea
Danborradan hasi zen urtea: 1986
2004an Marta Garitano Irigoyen izan zen Danbor Nagusia
2003an Alaitz Santos Berrondo izendatu zuen Easo Ederra eta Iñigo Zabalza Olaizola Jenerala
1986ko urtarrilaren 20an egin zuen estreinaldia Mary Ward ikastetxeko Haur Danborradak. Hezkuntza Komunitate osoaren ahaleginaren fruitu izan zen. Garai hartan zuzendari zen M. Ana Gimeno moja eta M. Asunción Lete moja, Guraso Elkarteko Ramón Acosta jaunarekin batera, izan ziren lehenengo Danborradaren “ alma materrak”. Ikastetxeak bi milioi pezetako inbertsioa egin zuen eta bost mila pezetako ekarpena egin zuen haur bakoitzak, eta hogeita bost milakoa Udalak. Ikastetxeak kulturarekin duen lotura agerian geratu zen jantzia aukeratzerakoan, bere garaian jakin-min handia piztu zuena bere diseinu ikusgarriagatik. Estandartean Mary Ward familiaren armarria agertzen zen Kongregazioaren siglekin: Instituto de la Bienaventurada Virgen María. 2009. urtean estandartea aldatu zuten eta gaur egun eramaten duena da: CJ (Congregación de Jesús) siglekin.
2016.urtean Konpainiak sukaldariaren irudia gehitu zuen eta 2020. urtean urketariarena.
