Itzuli kategoriara

Abandotarra

Noiztik 1988 / Amara-Morlans-Loiolako Erriberak
Irteera
ordua
18:30
Bukaera
ordua
22:30
Sare sozialetan partekatu Danborrada gogokoena
179
Parte-hartzaileak
77 Emakumeak 102 Gizonak

Abandotarra

Abandotarra danborrada 1988an sortu zen, eta Amarako Alkartetxeko EAko afiliatuek ordaindu zituzten gastu guztiak. Bere jatorrizko ibilbidea, 4’30 ordu baino gehiago irauten zuena, Antso Jakitunaren hiribidetik abiatzen zen, Baleazaleen kalera iristen zen, Isabel II.aren hiribidetik igotzen zen eta Errege Katolikoak eta Moraza kaleetaraino heltzen zen.

Hasieran batean 60 kidek desfilatu bazuten ere, 2011z geroztik aldaketa nabarmen bat izan zuen danborradak, orain diren 200 kide izateraino, eta beste danborrada batzuekin elkartzean (Catedral Centenario 2011, Lagun Artea 2012, Morlanstarrak 2017, Txubillo 2018, Eskola 2019).
Danbor Nagusiaren kargua pertsona batek baino gehiagok hartu izan dute beregain (V. Munduate, J. Lopetegui, J. Bikuña, J. García, I. Ugarte e I. Marañón), eta 2011tik orain arte Ekaitz Gonzálezek betetzen du kargu hori.

Uniformea

Danbor Nagusiaren uniformea oihal beltzez dago egina; paparra, eskumuturrak eta lepoak konpainiaren gorri kolorekoak dira (koloreak biraka eta urdina muturreraino eramana). Atzealdean hegala itxita duelako bereizten da, Danbor Nagusiaren apaingarri klasikoez gain bizkarraldean eta besoetan, baita uniformeari txarratelak eta gerrikoak gehitu izangatik ere. Uniformea honela dago osatua: galtza zuriak, zango luzeko botak, urre koloreko gerrikoa borlekin, zalditeriako eskularruak eta bi adarreko kapela, ostruka-luma zuri batekin errematatua. Danborrek zalditeriako uniforme napoleonikoa eramaten dute, hauek osatua: jaka gorria, Frantzia urdin kolorekoak dituena paparra, lepoak, eskumuturrak eta hegalaren ifrentzuak. Uniformearen gainetik zuri koloreko larruzko uhalak gurutzatzen dira kartutxera batekin. Galtza zuriekin, belaunerainoko polaina beltzekin, eskularru zuriekin eta bi adarreko kapelarekin osatzen da uniformea. Urketarien jantzia honela dago osatua: kolore gordineko zapi bat buruan, alkandora zuri bat eta jaka luze bat (urdina edo granatea) eta tonu berdinetako marradun gona bat orkatiletaraino. Loredun zapia lepoan, eta mantala konjuntoaren koloreekin bat etorriz, larruzko edo gomazko abarkekin errematatuta. Barrilek sukaldari jantzia eramaten dute: jakatxo zuria, plastikozko sukaldari kapela zuria sartua, mantal zuria, galtza zuriak eta oinetako beltzak, zapi zuri-urdinarekin lepoan.

Uniformearen ikonoa

Bestelako aipamenak

  • 2019tik aurrera "Urrezko Ezkurra" emango diote, danborradaren eta Elkartearen barruan, bere alde lan bereziren bat egiten duen pertsonari.
  • Batera jotzen dute danborrada hauekin: Catedral Centenario (Errege-Erregina Katolikoen kalea), Lagun Artea (Urbieta kalea) eta Eskola Danborrada (Easo plaza).
Danborrada gogokoena
Babeslea
Sabadell Guipuzcoano
X