UPV/EHUko danborrada 2002/2003 ikasturtean sortu zen eta hasieratik elkartu nahi izan dituzte ondoko helburuak:
- Zeharkakotasuna: estamentu guztietako pertsonak gara ‒irakasleak, ikasleak, administrazio eta zerbitzuetako langileak‒ baita unibertsitateko komunitatea osatzen duten gainerako pertsonak ere ‒garbiketako langileak, fotokopiak egiten dituztenak eta unibertsitateko tabernetakoak‒.
- UPV/EHUko kide ohiekiko harremana bizirik iraunaraztea.
- Emakumeen eta gizonen parte hartze askea. Konpainia osoa doa sukaldari jantzita, desberdintasunik egin gabe eta jantzi napoleonikoen alderdi militarra proiektatzeko asmorik gabe.
- UPV/EHU ingurunean integratzea, hirian eta bizi garen auzoan.
