1999an, Donostiako Benta Berri auzoa itxuratu berri zela, bertako auzokideen ekimenez sortu zen Hidalgo Berri danborrada mistoa, izen bera duen taberna ordezkatuz. 2000n estreinatu eta ondorengo urtean, danborrada honek izen berri bat hartu zuen, “Tamborrada Benta Berriko Lagunak”: 2001ean irten ziren beren danborrak eta barrilak jotzen Pablo Gorostidi Martínez de Ubagoren zuzendaritzapean. Benta Berriko Lagunak kultur, kirol eta jolas elkartearen logoa Fernando Coscolínek sortu zuen, Benta Berri auzoko José María Sert plazako kioskoa estaltzen duen toldoan inspiratuta.
Pablo Gorostidi izan zen elkartearen sorreratik Presidentea eta Danbor Nagusia, 2006an hil zen arte. Bere ordez Íñigo Martínez Solak hartu zituen bi karguak 2010era arte. Ondoren, Merche Saiz Azurza eta Javier Lareo Pena izan dira elkarteko Presidenteak, eta orain Jon Unanue Santamaría. Danbor Nagusiaren kargua Merche Saiz Azurzak hartu zuen 2015era arte, eta orain Jon Unanue Santamaríak hartu du beregain. Barrilen eta Urketarien Kaboaren kargua hauek hartu izan dute: Laida San Sebastián, Roberto Sanz, Juan Antonio Iruretagoiena, Angelines Alayo, Koldo Gómez, Koruko Daguerressar eta Itziar Gómez. Orain, Koruko Daguerressarrek betetzen du kargua.
Gaur egun, 120 kide inguruk osatzen dute konpainia: danborrak, barrilak, urketariak, 4 kantinera, barril/urketarien 3 gastadore, eta danborren 3 gastadore.
