Ur Zaleak danborrada Donostiako zaharrenetakoa da. Izan ere, 1936ko urtarrilaren 20an atera zen lehenengoz Tanis Pintadoren zuzendaritzapean. Soldadu jantziak eta mozorro txinatarrak (upel joleenak) zeramatzaten, Euskal Billerak mailegatutakoak. Ondoren, gerran bete-betean, jakina, danborradak ateratzeari utzi zion, 1960an berriro hasi zen arte, Rubén Goyenaren zuzendaritzapean. Urte hartan, 85 danbor eta upel jole atera ziren, uniforme gorriz eta bularralde urdinez, aldamenean bi zerrenda gorriko galtza zuriz eta gorri ukituetako txano beltzez.
Harrezkero, danbor nagusiak ateratzen joan ziren; hurrenez hurren, José Manuel Zuza, Josetxo Zulaika, Santi Bañales eta egungo Juantxo Ibáñez, José Manuel Illarregi arril kaboarekin.
2006an, Batzordearen eskariz, ezohiko batzarra egin zen taldean emakume urketariak sartzeko. Horrek nahiko arrakasta handiz dirau. 20-25 bat emakume ateratzen dira.
Gaur egun, 90 kide inguru gara. Duela 20 urtetik hona, Nafarroako Kasedako Txurrimiski txaranga dator bere musikarekin laguntzeko.
