Itxas Gain elkartearen lehen danborrada sortzeko asmoa 1990. urtekoa da. Urte hartako Sanjuanetan, elkarteak danborrada bat osatzea eta parte-hartzaileek pilotariz jantzita joatea erabaki zuen, jai horietan, aste osoko jardueren barruan, auzoa girotzeko helburuarekin.
1992an jo zuten Sanjuanetan azken aldiz, eta San Sebastian egunean lehen aldiz. 25 danbor eta 40 barril ziren, eta sukaldariz jantzita jo zuten guztiek.
1993an, gaur egun danborrek erabiltzen duten Zalditeriako Errege Guardiaren (1824) jantziak egin ziren, eta barrilek sukaldari-jantziarekin jarraitu zuten.
1998. urtean, ITXAS GAIN elkartea aitzindaria izan zen, eta Eskolako dantzariak eraman zituen San Sebastian martxa dantzatzera. Ekitaldia gaur egun ere egiten da, 12:00etan San Inazio elizan, eta 13:30ean Txofre plazan.
Urteak aurrera egin ahala, danborradako parte-hartzaileen kopurua gero eta handiagoa da, eta emakumeak danbor zein barril gisa aritzen dira. Gaur egun, 186 lagunek osatzen dute Itxas Gain elkartearen danborrada.
