1998. urtean atera ziren lehenengoz. Grosen sortu eta errotutako danborrada izaki, Grosen egiten du ibilbidea. Batzorde bat arduratzen da antolaketa eta kudeaketa lanez, baina guztien artean hartzen dituzte erabaki nagusiak, batzarrean. Urtero izaten dira 110 partaide inguru, gizon-emakumeak, eta danborrada gaztea da, oro har
Bestalde, hasieratik izan da haien aldarrikapenetako bat genero bereizketarik gabe kide bakoitzak danborradako roletako edozein betez parte hartzeko aukera izatea.
Gozoginak eta urketariak dituzte danborradan. 2017. urtera arte sukaldari jantzia erabili zuten gozoginarenaren ordez, baina harrezkero gozogin jantzita ateratzen dira.
