Galiziako Etxearen danborrada 2006. urtean sortu zen, eta, harrez geroztik, 11:30etik 16:00etara zeharkatzen ditu Groseko kaleak. Konpainia osatzen dutenak honako hauek dira: 21 danbor, 30 barril, 10 urketari, 9 kantinera, kantinero 1, barrilen kaboa eta danbor nagusia.
2008. urtean, gure gaita-jotzaileen taldearekin girotu genituen auzoko kaleak. 2009. urteaz geroztik, San Martzialen frantziarrei aurre egin zien IV. armadako Galiziako itsas armadaren jantziarekin desfilatzen dute danborrek. 2011. urtean, 10 barril urketari bihurtzeko kudeaketak eta jantziak egin ziren.
