Itzuli kategoriara

Gizartea

Noiztik 1982 / Centro
Irteera
ordua
17:45
Bukaera
ordua
21:30
Sare sozialetan partekatu Danborrada gogokoena
185
Parte-hartzaileak
4 Emakumeak 181 Gizonak

Gizartea

Gizartea Elkarte Gastronomikoa 1932an sortu zen, eta hiriko zaharrenetako eta ezagunenetako bat da. Bazkide-talde batek sortu zuen Elkarteko Danborrada. Zenbait urte antolatzen ibili ondoren, Gizartea Elkartearen 50. mendeurrena ospatzen zen urtean irten zen lehen aldiz. Hau da, 1982an irten zen. Horretarako, kasu gehienetan bezala, antolakuntzan eta arlo ekonomikoan ahalegin handiak egin behar izan ziren. Gizarte Elkarteko kide guztiak euren uniformeen jabeak dira. Hasieratik, danborrada honek militarrak danborrak jotzen eta sukaldariak barrilak jotzen eduki ditu. Ondorengo urteetan formazioa osatuz joan zen gaur egun den egiturara heldu arte. Lehen zatian, danborrada Danbor Nagusiak, Danbor Kaboak, 2 banderadunek, 7 gastadorek, 50 danborrek eta 5 tinbalek osatzen dute. 25 musikari inguruz osatutako bandaren ondoren, zati umoretsuena dator. Bertan, Barrilen Kaboa, 2 banderadun, 7 gastadore eta 110 barril joaten dira. Aurretik aipatutako 4 banderadunak izan ezik, Danborrada honetako kideak gizonezkoak dira.

Gizartea Danborrada berezia egiten duten hainbat ezaugarri daude, besteak beste, Danborrada 200 kide inguruz osatua egotea. Danborrada honen beste ezaugarri bat da sukaldariek bularraldean daramaten eta urteekin beste hainbat konpainiatan hainbeste zabaldu den perrexil-sorta da. Izan ere, perrexila da Elkartearen armarriko protagonista nagusia. Azpimarratzekoa ere bada konpainia honen soinu indartsua. Formazio osoari soinu-uniformetasun eta -sakontasun handia ematen dioten 5 tinbalez osatutako eskuadra ezartzen aitzindaria izan zen. Eta ezin aipatu gabe utzi elkartearen ereserkia, guztiok eduki nahi duten eta, Florentino Peñafiel musikariak eta konpositoreak idatzita, Gizarteak, 1982az geroztik, urtarrilaren 20an urtero interpretatzen duen nortasuneko musika-zati hori. Gaur egun, eta duela hamar urte ingurutik hona, Elkarteko bazkide izan behar da Gizartea Elkartearen danborradan desfilatu ahal izateko.

Danborrada honen historia markatu duen gertakarietako bat izan da 1993an, Donostia ordezkatuz, Italiako Trento hiriarekin han egindako senidetze-ekitaldietan parte hartzea. Azken batean, Gizartea, urteekin, Donostiako Danborradako izen nagusietako bat bihurtu da.

Uniformea

Danborrak: danborren uniformea Danborradako Batzordeak aukeratu zuen, jantzi napoleonikoetan oinarrituta. Jaka urdina, aplikazio gorriekin, galtza zuriak eta polaina beltzak ditu. Gainera, uhal zuriak eta kolore bereko gerriko soka edo sarea ditu. Txano beltza elementu gorri eta urre kolorekoekin, eta luma zuri bat. Barrilak: sukaldari-jantziak daramatzate, jaka, galtza eta mantal zuriz osatuak. Eskuzatarra eta lepoan Gizartea elkartearen logoa bordatua daraman zapia ere eramaten dituzte. Igeltsu formako txano almidoituarekin osatzen da jantzia.

Uniformearen ikonoa

Bestelako aipamenak

  • Danborrada 1982an sortu zenetik, batzorde antolatzaileak Gizartearen perrexila sortu zuen, Gizartearen onurarako edo hiriari eta Danborradaren festari egindako ekarpenengatik, Batzorde horren iritziz sari hori merezi duten pertsonei edo erakundeei emateko.
Danborrada gogokoena
Babeslea
Sabadell Guipuzcoano
X